Pinalawig nin apat na bulan ni Presidente Ferdinand Marcos Jr. an termino ni PNP Chief Police General Rommel Francisco Marbil.
Sa Memorandum na pigtintaan ni Executive Secretary Lucas Bersamin na naka-address ki DILG Secretary Jonvic Remulla, nakabugtak digde na inaprubaran kan Presidente an term extension ni Marbil sa ibong kan pag-abot kaini sa retirement age na 56.
Si Marbil an ika-30 PNP Chief asin man miyembro kan Philippine Military Academy’s Sambisig Class of 1991, ini maretiro kuta ngunyan na aldaw Pebrero 7.
Naluklok komo PNP chief si Marbil kan nakalihis man na Abril 1, 2024. Antes na magin PNP chief, nagsirbi si Marbil komo PNP Directorate for Comptrollership asin man nagin regional director kan Police Regional Office 8 (PRO-8) asin director kan Highway Patrol Group (HPG).
PIgbusol ni Marbil an law enforcement modernization asin man an crime prevention.
