Nagkasundo an Thailand asin Cambodia na mantiniron an katoninongan sa saindang border kasunod kan labanan kan nakalihis na Hulyo kan presenteng taon na naggadan nin 32 na sibilyan asin soldados.
Sa meeting ka Extraordinary Regional Border Committee sa Thailand, napagkasunduan an pagpapamarhay pa kan komunikasyon, pagbawas kan tensiyon, asin pagbilog kan coordinating group sa pinag-iiwalang lugar.
Pinag-ulayan man an paghali kan landmine asin pagsimbag sa cross-border online scams.
Marurumdumang kan nakalihis na Hulyo 28, kasabay kan trilateral meeting sa Malaysia, naenot nang nagkasundo an makaibong na kampo sa sarong mayong-kondisyong untok-putukan.
Sinundan ini kan nakalihis na Agosto 7 kun saen kapwa pinagtibay kan Thailand asin Cambodia an 13-puntong kasunduan, kaibahan an pagtugot na magpadara nin ASEAN observers tanganing bantayan an pagpapautob kan ceasefire asin siertuhon an matoninong na resolusyon kan mga problema.
