NAGA CITY- Nag-abot sa 150 paputok an nasulo makalihis na magsabog an sarong tindahan sa banwaan nin Nabua, Camarines Sur.
Sa entrevista kan Bombo Radyo Naga ki SFO4 Justino Novela Jr., deputy fire marshal kan Bureau of Fire Protection (BFP)-Nabua, sinaysay kaining hale sa merkado publiko an maysadiri kan tindahan na si Delia Lumabay kan maabutan na sana kaini na nasusulo na an saindang tindahan.
Sigon ki Novela, basado sa saindang nakuang impormasyon, posibleng an nagpalyar na linya kan kuryente an pigpunan kan pagsabog kan mga paputok na mas nagpalala pa sa
nasambitang kasulo.
Istorya pa ni Lumabay, pirmi nindang nahihiling na mag-spark an linya kan kuryente sa laog kan tindahan alagad, pinakarhay naman ini kan saiyang esposo.
Mientrastanto, nasa 150 kwitis man an nasulo na pigkakarkulong poko mas umenos P8,000 an kantidad.
Pigsierto man ni Novela na igwa nin permit hale sa saindang opisina an nasambitang tindahan nin paputok.
