Pig-anunsyar kan San Miguel Corporation (SMC) ngunyan na aldaw, Disyembre 20, 2024 na hahalion an toll fees sa saindang expressways sa piling mga oras para sa Christmas asin News year holiday.
Boot saihon, magigin libre an toll fee sa expresswaya na pigpapadalagan kan kumpanya kabali an Skyway System, NAIA Expressway, South Luzon Expressway, STAR Tollway asin Tarlac-Pangasinan-La Union Expressway (TPLEX).
Pwedeng ma-avail an libreng toll puon alas-10 nin banggi kan Disyembre 21 o Christmas eve hasta alas-6 nin aga kan Disyembre 25 o Christmas day.
Siring man puon alas-10 nin banggi sa Disyembre 31 o New Year’s eve hasta Enero 1 o New Year’s day.
Sigun ki SMC Chairman Ramon Ang, an libreng toll fee an saindang paagi nin pasasalamat sa mga naggagamit kan nasambitan ng mga expressway na nakakatabang soboot sa ribu-ribong motorista na makauli sa saindang pamilya nin mas marehas orog na sa nararaning Pasko asin Bagong Taon.
Tangni man na masierto an kasalbaduhan asin marhay na biyahe ka mga motorista, mapakuriyat an kumpanya kan patroller asin security personnel sa mga kritikal na lugar.
Nagtalaan man nin mga standby emergency responsen team puon kasubagong udto, Biyernes. Pig-abisuhan man an mga motorista na planuhon muna an biyahe asin magtagama nin extrang oras sa biyahe.
Siertuhon man na igwang bastanteng load sa saindang autosweep RFID accounts tanganing malikayan an pagkakaantala sa biyahe asin malikayan an tailgating sa toll plazas.
Pig-abisuhan man an publiko na magpasensiya partikularmente na sa Metro Manila kun saen piglalaoman an magabat na bulos kan trapiko huli man sa dagsa kan mga pasiring asin paluwas kan NCR ngunyan na holiday season.
