Posibleng madugangan pa an mga kasong kinakahampang ni dating presidente Rodrigo Duterte sa International Criminal Court (ICC), sigun ki ICC-accredited Filipino lawyer Gilbert Andres, na kinakatawan an pira sa mga biktima.
Kabali soboot sa posibleng mapabalai sa paglilitis ki Duterte an mga kasong rape asin torture.
Kan Pebrero ngsunad an Office of the Prosecutor kan ICC nin aplikasyon para sa arrest warrant kontra ki Duterte na naglalaog nin 45 kaso kan paggadan, 4 kaso kan torture, asin 3 kaso ng rape, na sigun sa taga-usig an igwa nin reasonable grounds komo ini an indirect o co-perpetrator.
Pigbatay man ini sa 2019 report na naresiber kan ICC Office of the Prosecutor na nagdetalye sa soboot sa panglulugos kan law enforcement officers sa mga kababayihan na igwa nin personal na ugnayan sa mga indibidwal na pinagtutubodang igwa nin kinaaraman sa droga—an pira sa sainda an piggadan soboot.
Apwera digdi, pigreport kan U.S State Department na 16 Filipino police officers an embwelto sa 8 kaso kan rape magpuon kan 2017, na kasagsagan kan war on drugs. Nakapagkurit man an Center for Women’s Resources (CWR) nin 13 kaso kan pang-aabuso na isinagibo kan mga police officer sa pag-ultanan kan January 2017 asin July 2018.
Nakatalaan an masunod na pagdangog kan ICC sa maabot na Setyembre.
