Nakatalaang ilunsar kan Bureau of Internal Revenues (BIR) an ‘Track and trace’ mechanism para sa pag-regulate nin pakarhay sa mga produkto orog na an tobacco asin vape products.
Nilalaoman na sa masunod na taon na ini magagamit kan mga consumer.
Sigun ki Bureau of Internal Revenues (BIR) Commissioner Romeo Lumagi Jr, sa irarom kaini, magkakaigwa na nin mga QR Codes an tobacco asin vape products asin gamit an mga kanya-kanyang cellphone kan mga consumer pwede na nindang masuri kun ini sarong legal o ilegal na produkto.
Enkaso pigscan kaya an QR Code maaraman digde kun saen ini hali asin man pighihiling kun kaiba an nasambitan ng produkto sa listahan kan kawanihan kan registered legal brands.
Pigsierto ni Lumagi na dae maisasaalang-alang digde an impomasyon kan mga nagagamit huli ta an makukua sana ninda iyo an detalye kan nasambitan ng produkto.
Katakod pa kaini, sinaysay ni Lumagi na sa tabang kaini tulos nindang madudumanan an siisay man na nagpapabakal kan ilegal asin iba pang detalye kaini. Soboot, dae na ninda kaipuhan pang manghula asin tulos na ninda ining madudumanan.
Mapuon muna sinda sa mga tobacco asin vape products para sa track and trace mechanism na ini asin isusunod na ninda an mga iba pang produkto siring man kan imported na arak, pahamot asin iba pa.
