NAGA CITY- Kontrolado na suboot kan Philippine Drug Enforcement Agency (PDEA) asin iba pang law enforcement units an operasyon kan iligal na droga sa rehiyong Bicol.
Sa entrevista kan Bombo Radyo Naga ki PDEA Bicol Dir. Christian Frivaldo, sinaysay kaini na nanotaran kan saindang ahensya an pagbawas kan mga nagtutulod nin iligal na droga sa rehiyon na resulta suboot kan saindang mahigot na supply reduction effort katabang an Philippine National Police (PNP.)
Sa tabang man kan pusog na koordinasyon sa iba pang mga law enforcement units katakod kan kampanya kontra iligal na droga kan Duterte administration, dae man suboot angat para sa PDEA an kakulangan ninda nin mga personahe.
Enot kaini, pigtuga kan opisyal na nanotaran ninda an umento sa presyo kan pigpapabakal na iligal na droga huli ta nasasakitan na an mga drug syndicate na makakua nin mga drug courier sa Kabikolan.
Marurumduman na kan nakaaging aldaw, naarestar kan PDEA an duwang mga pinagtutubudang miembros kan African drug syndicate sa operasyon sa Cavite
An grupo suboot an supplier nin droga sa rehiyong Bicol.
