NAGA CITY- Padagos na isinasagibo an transisyon asin renovation kan banwaan nin Ocamapo, Camarines Sur.
Sa entrevista kan Bombo Radyo Naga ki Eduardo Jallores Jr., Designates Market Administrator kan Ocampo Public Market, sinaysay kaini na sa presente nag-aadjust pa sinda tanganing mapamarhay an nasambitan ng merkado.
Sigun naman sa alkalde kan banwaan, dapat soboot mapokusan an merkado ta dakulang bagay ini sa mga namamanwaan. Target man ngunyan na taon na malaogan ini nin parke.
Katakod kaini, nagkapirang mga vendors man an nadadanyaran asin pigpapalipat nin pwesto na sainda man pigtatawan aksyon alagad pig-ako ni Jallores na dae gabos kayang masimbagan orog na ta limitado pa sana an espasyon kan merkado.
Dugang pa digdi, aatupan man an lugar o an dry fish section na magigin permanenting pwesto kan Ocampo Maritatas.
Mientrastanto, pigpapautob man an ordinansang Market code, kun saen kabali na digdi an pagsisingil sa mga Market fee, plasada sa open space na igwa na nin permit, siring man an slaughterhouse fee.
Pigtawan-duon man kan opisyal na kun an sarong banwaan nasa proseso kan progreso, kabali na digdi an sakpripisyo.
