NAGA CITY – Labi an kaogmahan kan ina kan “Barefoot Runner” kan Camarines Sur makalihis makasungkit nin bulawan na medalya an aki sa nagpapadagos na Palarong Pambansa 2019.
Sa eksklusibong entrevista kan Bombo Radyo Naga ki Analyn De Lima, ina ni Lheslie De Lima, sinaysay kaini na labi an saiyang kaogmahan kan mabaretaan na nakakua na naman nin gold medal an aki sa 3000-meter run, secondary girls.
Sigon ki De Lima, nag-agi sa mahigot na training si Lheslie antes isinabak sa Palaro.
Estorya ni De Lima, aki pa sana si Lheslie, nahilig na ini sa pagdalagan.
Nakasapatos man soboot ini tuyong nasa training alagad dae niya maaraman kung tano ta nakabitis na sana pag-abot sa aktual na laban.
Sa ngunian, naglalaom an pamilya kaini na makukua giraray ni Lheslie an gold medal sa masunod kaining laban para sa 1,500-meter run.
