Nakapreparar an an kampo ninda US Vice President Kamala Harris asin dating US President Donald Trump para sa saindang enot na debate.
Isasagibo saaga, Setyembre 11, alas-9 nin pagkaaga, oras sa Pilipinas sa National Constitution Center ng Philadelphia.
Sa ginibong pagpreparar ni Harris an kinaulay kaini sinda US President Joe Biden asin dating US First Lady Hillary Clinton na nakahampang na si Trump sa mga debate.
Naghahanda man si Harris sa anuman na insulto na posibleng igapo sa saiya ni Trump. Nagtutubod an kampo ni Harris na sa nasambitan ng debate, magkakaigwa na nin desisyon ang mga tinagurian na undecided voters.
Sa lado man ni Trump, sinaysay kaini na dae na kaini kaipohan pa an anuman na pormal na pagpreparar huli ta nagkaigwa na ini nin pagtitipon sa senior advisers, policy experts asin mga kaalyado.
Pigheras man ni campaign spokesperson ni Trump na si Jason Miller an pirang mga paksa na igagapo ninda ki Harris. Kabali na digdi an salang pagkapot kaini kan US-Mexico border, Illegal Immigration, pagbawi sa mga suldados kan Estados Unidos na nakatalaga sa Afghanistan asin an pagluya kan ekonomiya.
