Puspusan na an pangangampanya kan duwang kandidato sa pagkapresidente kan Estados Unidos, si dating Presidente kan US na si Donald Trump asin an Bise Presidente kan Estados Unidos na si Kamala Harris sa mga “key swing states” kabali an North Carolina duwang aldaw antes an eleksyon kan Estados Unidos.
An dating presidente kan Estados Unidos yaon ngonyan sa Greensboro mantang si Harris yaon sa Charlotte para sa saindang huring mga ralily sa kampanya.
Pigpatutsadahan ni Trump an binagong 15 polisiya ni Harris mantang nakatukaw komo panduwang pinakahalangkaw na opisyal kan Estados Unidos.
Pigsaysay kaini na an mga aksyon na ini kan bise presidente nagkawsa nin darakulang problema asin pig apod kaini si Harris na “the worst vice president” kan US na soboot nagtatrabaho para sa pinakamaraot na presidente sa historya kan saindang nasyon.
Pigsimbag man ni Harris an dating Presidente kan Estados Unidos kun saen sinabi kaini na kun si Trump an nagtutukaw na presidente, mas eenuton kaini na mahadit sa saiyang mga kaiwal imbes na magserbi sa saiyang mga constituentes.
