Nagakaigwa nin tyansa na makapag-ulay si US President Donald Trump asin Ukrainian leader Volodymyr Zelenskiy pirang minuto antes an pagpuon an lubong ni Pope Francis sa Vatican City.
Ini an tanganing porbaran an naudlot na paghingowa na wakasan an gyera sa tahaw kan Russia asin Ukraine.
Nakapwesto an duwang lider sa laog kan St. Peter’s Basilica — kun saen nag-ulay an mga ini sa laog sana nin 15 minutos, sigun sa opisina ni Zelensky na sinda man nagluwas nin ladawan kan meeting.
Inapod man kan tagapagtaram kan White House na “very productive” an pag-uulay kan duwa. Sa post ni Zelensky, nagpasalamt ini ki Trump huli sa sarong “very symbolic meeting”.
Kadakol soboot sindang napag-ulayan kaibahan an pagprotehir sa buhay kan saindang nasasakupan, sarong kumpleto asin unconditional ceasefire, kun saen naglalaom ini na magkakaigwa ini nin resulta.
Ini an liwat na pagtatagpo ni Trump asin Zelensky makalihis na magkaigwa nin mainit na simbagan an duwang lider sa nagin pag-ulay kaini sa Oval Office sa White House kan nakalihis na Pebrero.
