Binawi na ni US President Donald Trump an Secret Service Protection ni dating Vice President Kamala Harris.
Ini an makalihis na palawigon ni dating US President Joe Biden kan natapos na an termino ninda.
Komo dating bise president, nakasaysay sa ley na makakaresebir ini nin security makalihis an paghali kaini sa opisina kan Enero na nakatalaang magtapos sa Hulyo.
Alagad basado sa direktiba kaidto ni Biden, pinalawig kaini nin hasta saro pang taon.
Advertisement
Basado man sa iniluwas na kasuguan ni Trump, saiya ng dagusang kinanselar an nasambitan ng memorandum ni Biden.
An nasambitan ng lakdang, kasunod kan nakalaang promosyon ni Harris sa saiyang libro na “107 Days” kun saen mababasa an nagin eksperyensiya kaini kan taong-2024 presidential campaign.
Advertisement
