Trump, ipinagpaliban an planong panibagong pag-atake sa Iran
IPINAGPALIBAN ni U.S. President Donald Trump an planong panibagong pag-atake kontra sa Iran, mantang may isanasagibong negosasyon nganing mapundo an nuclear program kan Tehran asin giraray mabuksan an Strait of Hormuz.
Sa sarong post sa Truth Social, sinabi ni Trump na nagtugot siyang dae muna idagos an panibagong pag-atake makalihis suboot maghagad pabor an Iran asin pirang bansa sa Gitnang Silangan ning dagdag panahon tanganing makumpleto an sarong kasunduan.
Boot kan negosasyon na padagos maibalik an operasyon sa Strait of Hormuz, na sarong importanteng ruta na tig aagihan kan dakulang parte kan suplay kan langis sa buong mundo, asin mapundo an banta sa nuclear program kan Iran.
Segun kay Trump, suportado man kan Israel an pansamantalang hakbang, alagad nilinaw niyang possible pa man giraray idagos an pag-atake kun dae masunod an ulayan na katuninongan.
Mientratanto, ininsister kan Israel na padagos ining mahiro kontra sa Iran kun giraray isusulong kan Tehran an nuclear program o pagpapakusog kan ballistic missile capabilities kaini.
Sa lado man kan Iran, sinabi kan acting defense minister na tig tuturing nindang parte lamang kan “psychological warfare” an mga banta kan Estados Unidos, alagad sinigurado na magtinir na preparado an saindang militar sa anumang posibleng pag-atake.
Nangapudan man an Saudi Arabia sa pagpapadagos kan diplomasya asin dayalogo nganing mapababa an tensyon sa rehiyon.
