Kinondenar ni US President Donald Trump si Ukraine President Volodymyr Zelensky huli sa ginibong pag-atake kaini sa Russia.
Segun ki Trump, dai na nirerespeto kan Ukraine an nagin pakiulay ninda na untokon an pag-atake sa Russia.
Sa lakop na drone attack kan Ukraine, tinamaan an mga oil depot kan Russia.
Dugang pa kan US President, habo niyang mawara an Russia sa negosasyon tanganing matapos an giyera sa pag-ultanan ninda kan Ukraine.
Ipinagpiritan ni Trump na mayong ginigibo an Ukraine tanganing tulos na matapos na an giyera ninda kan Russia.
Ipinagmalaki pa ni Trump na nasa proseso na siya sa pag-areglo kan negosasyon sa pagtapos kan giyera sa pag-ultanan kan Ukraine asin Russia.
Marurumduman na nag-sikwal si Zelensky ki Trump huli sa pakikipag-ugnayan kaini sa Russia tanganing makakua ini nin dugang na suplay nin langis
