Desidido si Presidente Donald Trump na magpadara nin pwersa militar sa Portland tanganing protehiran an Immigration and Customs Enforcement (ICE) facilities na soboot nasa irarom kan pagsalakay kan mga terroristang Antifa sigun sa Presidente.
Sigun ki Trump, pigtutugotan kaini na maggmit nin full force an militar kun kinakaipuhan kontra sa Antifa asib iba pang terrorista na nagsasalakay sa ICE.
An nagin anunsiyo ni Trump an kasunod kan nangyaring pambabadil kan sarong gunman sa ICE facility sa Dallas kun saen saro an naikurit na nagadan asin duwa man an labing nalugadan.
Mientrastanto, nag-alma man si U.S Senator Jeff Merkley asin iba pang lokal na opisyal kan Portland sa anunsiyong ini kan Presidente.
Sigun ki Merkley, an Presidente man mismo an may pakana sa kariribokan na nangyayari sa siyudad, an obheto soboot ni Trump iyo an pagmukaon na maribok an Portland.
Pigsuportaran man ini kan kampo ni Oregon Gov. Tina Kotek kun saen sinaysay kaini sa sarong social media post na malinig asin kalmado an saindang komunidad asin mayong banta sa nasyonal na seguridad.
