Nagpirma si Presedente Donald Trump kan Estados Unidos kan Lunes sa mga kasuguan na nag nagpapahiling nin bagong 50% taripa sa dakol na produkto hale sa Canada, huli suboot na “disciminatory treatment” kan Ottawa sa mga pruduktong arak, lunadan, asin gatas hale sa Amerika.
Magkakaigwang epekto an mga taripa makalihis nin 30 na aldaw asin masasakop an mahiwas na hanay nin mga produkto, kabali na digdi an alak, mga hockey stick, asin semento, segun sa sarong fact sheet sa iniluwas kan White House.
Ginamit ni Trump an sarong dae maray na bistong probisyon kan ley para sa mga bagong taripang ini. Sa Section 338 kan Tariff Act 1930 iyo an nagtatao nin kapangyarihan sa mga opisyal na naghihiro sa laban sa mga nasyon na pigtutubodan na nag gigibong nakakaraot o bakong makatanosan na gawi sa kalakalan.
Segun sa White House, dae sakop kan mga bagong taripa an mga produktong enerhiya, potash, asin mga kalakalan kan Estados Unidos, Mexico, asin Canada (USMCA).
Puon kan pagtukaw giraray sa pagkapresedente kan nakaaging taon, ipinaotob na ni Trump an lakop na mga taripa laban sa mga nasyon na katuwang kan Estados Unidos sa kalakalan. Alagad sa pangkagabosan may dakulang exemption an mga produkto na naglalaog sa Amerika sa iraraom kan kasunduang pangkalakalan sa hilagang Amerika.
An pikahuring lakdang na ini pwedeng orog pang magpalala sa tensyon kan Washington asin Ottawa. Nag abot man ini ning pirang aldaw sana matapos na magbanta si Trump maghatol nin mas halangkaw na taripa sa Canada huli sa aso hale sa darakula na wildfire na nag abot sa Estados Unidos
