Pighihiling ni U.S. President Donald Trump an ideya na magserbi sa luwas kan konstitusyonal na mandato na duwang termino, nagsusuba dapit sa mga rally asin sa mga supporters na nagsasabing “Trump 2028”.
An iba kaining mga kaalyado nagkua kan mga senyales na seryoso, nagsusuhestyon na naghihiling sinda nin legal o politikal na mga dalan tanganing magibo ini — sarong posibilidad na pig-dismiss kan kadaklan na mga constitutional scholars.
An 22nd Amendment sa U.S. Constitution nagbabawal sa siisayman na maelehir sa U.S. presidency sa ikatulong beses.
An iba kaining mga supporters nagsushestyon na an sarong paagi sa paglikay sa pagbabawal na ini iyo an pagdalagan ni Trump komo bise presidente.
Alagad an mga scholars nagsasabi na si Trump pinagbabawalan na magdalagan para sa bise presidente huli ta dai ini eligible na magin presidente.
Dapit man sa posibilidad nin ikatolong termino, sinaysay ni Trump, na mamawoton soboot ini kan opisyal. Si Trump na 79 anyos, magigin 82 anyos sa 2028 kun hanapon kaini an saro pang termino, ini na an magigin pinakagurang na U.S. president sa historya.
Sa ibong kan saiyang edad, namantinir kaini an makusog na pampublikong iskedyul, asin aktibong pakisumaro sa uru-aldaw na mga gampanon kan presidente. Alagad an mga pahayag ni Trump dapit sa ikatolong termino nagpakumplikado sa futuro kan Republican Party.
