Pig-anunsyar ni US Presidente-elect Donald Trumo an saiyang pagtatalaga sa heart surgeon asin TV personality na si Dr. Mehmet Oz o mas bistado sa apod komo “Dr. Oz” tanganing pamayuhan an US Centers for Medicare and Medicaid Services.
An nasambitan ng federal agency na pamamayuhan ni Oz an sarong federal agency na nagtatao nin health coverage sa labi 160 million Americans, haros kabanga kan populasyon kan nasyon.
Sa sarong patara-tara, pigsaysay ni Trump na nabisto kaini si Dr.Oz sa laog kan kadakol na taon asin kumpiyansa ining sisiertuhon ni Oz na makakaresibir nin pinakamarahay na healthcare an gabos na namamanwaan sa Amerika tanganing magin marhay an saindang nasyon.
Pigsaysay pa ni Trump na si Dr.Oz, magigin sarong lider soboot sa pagi-insentibo sa Disease Prevention tanganing magkaigwa nin pinakamarhay na resulta sa bilog na kinaban tanganing sa lambang dolyar na saindang piggugugol para sa Healthcare sa saindang nasyon.
Apwera digde, pupugolan man soboot ni Oz an “waste asin fraud” sa laog kan pinakamahal na Govrnment Agency sa saindang nasyon na one-third soboot kan saindang pondo sa healthcare asin one-fourth kan saindang bilog na national budget.
Pigsaysay man ni Trump na nahahampang ngunyan an Amerika sa Heathcare crisi asin mayong iba soboot Physician an orog na kwalipikado asin igwang kakayanan na malampas ki Oz tanganing gibuhon na marhay liwat an Amerika.
Maruromdoman na enot na man pigtalaga ni Trump sa saiyang enot na termino komo Presidente si Oz kan nakalihis na Presidential Council on Sports, Fitness and Nutrition asin liwat na pigtalaga sa nasambitan ng posisyon kan nakalihis na 2020.
