Nagkasundo sinda US President Donald Trump asin Russian Presidente Vladimir Putin sa sarong energy asin infrastructure ceasefire sa Ukraine sa paagi kan apod sa telepono.
Napagkasunduan kan duwang lider an teknikal na negosasyon para sa untuk-putukan sa Black Sea asin sarong dagusang ceasefire para sa panghaluyang katuninongan.
Sigun sa White House, tolos na pupuonan an pag-urulay dapit sa lakdang na ini.
Pigtawan duon pa ni Trump asin Putin an pagpapamarhay sa koordinasyon kan US asin Russia alagad mayo pang malinaw na detalyes dapit digde.
Susog pa sa report, mawot nindang gibuhong normal an relasyon kan duwang nasyon.
Dae pa sierto an kasimbagan kan Ukraine sa phased ceasefire plan alagad nagpahayag an Kyiv nin kapreparaduhan an 30-aldaw na untuk-putukan na pigsuhestyon ni Trump.
Aminado man si Trump na igwang progreso sa isyung pangkatuninongan alagad kadakol pang kaipuhan na pakarhayon.
Sigun sa mga eksperto, dae bastante an sarong apod sa telepono tanganing maresolbar an kariribukan sa Ukraine.
