Pigbubusol kan Trade Union Congress of the Philippines Partylist (TUCP) an regular na pagsasagibo nin earthquake drilzz kada bulan sa mga lugar kan trabaho tanganing mapakusog an kapreparaduhan kan mga obrero sa hampang kan huma kan linog.
Sa rekomendasyong iniluwas kan TUCP, pig-enkaminar an mga kumpanta na gibuhong parte kan saindang workplace safety protocols an bulanang earthquake drill.
Sigun sa grupo, imporranteng mahasa an mga empleyado sa tamang pagresponde sa oras kan sakuna tanganing malikayan an mas matinding danyos asin mamantinir an kasalbaduhan kan gabos.
Dara ini kan sunod-sunod na pagyugo-yuvo sa manlaen-laen na parte kan nasyon, kaibahan na an mga linog sa Davao asin Cebu na nagdara kan dantos sa imprastraktura asin takot sa publiko.
Dugang kan grupo, an siring na lakdang an bako sana para sa proteksiyon kan mga obrero kundi para na man sa pagpapatibay kan disaster preparedness sa sektor kan negosyo.
Nangapodan an TUCP sa mga employer na magin proactice sa pagbilog kan salbado asin preparadong kapalibotan sa trabaho.
