Pinuna ni Senator-Judge Raffy Tulfo an Impeachment Court Spokesperson Atty. Regie Tongol huli sa saiyang pagluwas nin timetable para sa pinal na desisyon sa impeachment case ni Vice President Sara Duterte.
An pagpuna ni Tulfo nakasentro sa naenot na pahayag ni Tongol na posibleng magkaigwa nin final verdict sa kaso sa Disyembre 16.
Segun ki Tulfo, nagtao ini nin impresyon sa publiko na naenot nang napagdesisyunan kan Impeachment Court an resulta kan paglilitis.
Sa paglinaw ni Presiding Officer Chiz Escudero, an nasabing timetable sarong kalkulasyon sana base sa pretrial order asin bakong aktuwal na desisyon.
Idinugang ni Escudero na an petsa nakabase sa matematika asin kalendaryo, bakong sa aktuwal na takbo kan mga pagdinig na pwedeng makansela.
Huli kaini, hinagad ni Tulfo ki Escudero na pagirumdoman si Tongol, na bako ini an enot na beses na nagluwas an spokesperson nin impormasyon bago pa man ini napagkasunduan kan mga “senator-judge”.
Sinierto man ni Escudero na isasaalang-alang niya an pahayag ni Tulfo asin gigibuhon an angay na aksyon.
