NAGA CITY– Dae na nakaabot sa Barangay Election an sarong nagdadalagan komo Barangay Kapitan makalihis tambangan kan riding in tandem suspects sa Barangay Tugos, Paracale, Camarines Norte.
Binisto an biktima na si Jezaril Mirandilla, 57-anyos, incumbent Barangay Kagawad sa nasambitan ng lugar.
Sa entrevista kan Bombo Radyo Naga ki PS/Insp. Angelan A. Gulapan, Chief of Police (COP) kan Paracale-PNP, sinaysay kaini na nagpapadagos an mararumang imbestigasyon kan pulisya katakod sa pananambang sa nasambitan ng biktima na madalagan komo kapitan sa nasambitan ng lugar.
Sigon ki Gulapan, riding in tandem suspeks an nasa likod kan nasambitan ng pangbabadil kunsaen tinamaan sa payo asin manlaen laen na parte kan lawas si Mirandilla na nagin rason kan tulos kaining pagkagadan.
Basado sa inisyal na imbestigasyon kan PNP, antes an nasambitan ng insidente, nag-istorya na soboot an biktima sa saiyang aki na may mga naririsibe ining huma na gagadanon gikan sa dae pa nabibistong mga suspek.
Sa ngunian apwera sa political issue, may ibang anggulo pa soboot na pighihiling an kapulisan sa pangbabadil sa nasambitan ng biktima.
