Nagpatanid an sarong halangkaw na opisyal kan Ukraine sa gobyerno kan Pilipinas huli sa pagbakal nin langis kan Russi, na sinabi kaining direktang nagpopondo sa giyera kan Moscow laban sa Kyiv.
Sinabi ni Deputy Foreign Minister na si Olexandr Mischenko sa saiyang pagbisita sa nasyon na an pagbakal nin lana hale sa Russia nangangahulugan nin pagsuplay sa agresor.
Napag-araman na obheto kan pagbisita kan opisyal na mapakusog an kooperasyon sa komersyo asin depensa kan Kyiv asin Manila.
Sinabi kaini na nasasabotan niya an rason kan gobyerno kan Pilipinas sa paglangkaw kan presyo kan gasolina na dara kan giyera sa Middle East asin an pangangaipo nin alternatibong supply, kaya hinagad kaini na “minimize” an dependence kaini sa Russian energy asin maghanap nin ibang pinagkukuanan.
An Pilipinas igwa nin sagkod sa Mayo 16, 2026 tanganing magbakal nin krudo kan Rusya, kasunod kan pagpalawig kan waiver hale sa Washington.
Marurumduman na an Presidente kan Estados Unidos na si Donald Trump temporaryong pinagian an mga restriksyon sa pagpabakal kan langis kan Russia tanganing mapakusog an suplay.
