Pig-anunsyar kan Brave 1, sarong state-backed defense investment group kan Ukraine, na tugotan na ninda an mga foreign arms companies na porbaran an saindang pinakabagong teknolohiya sa mismong front line kan digmaan kontra sa Russia sa irarom kan programang “Test in Ukraine”.
Sa nasambitan ng scheme, magpadadara nin armas an mga kumpaniya sa Ukraine, matao nin online training, asin hahalaton an feedback gikan sa mga soldados na aktwal na gagamiton an mga ini sa labanan.
Sigun ki Artem Moroz, head of investor relations kan Brave1, dakula na an interes sa programa, alagad dae pa ini nagbabanggit kan partikular na kumpanyang kabali o detalye mapadapit sa posibleng gastos.
Obheto kan programa na maparekas an pagtuklas kan epektibong teknolohiya sa giyera kan Russia, mantang pigtatabangan an mga dayuhang kumpanya na mahiling kun arin sa saindang produkto an tunay na naggagana sa aktwal na combat conditions.
Kaibahan sa mga prayoridad kan Ukraine para sa testing iyo an mga makabagomg air defense systems siring kan drone interceptors, AI-guided weapons, gliding bombs, unmanned water systems, electronic warfare tools asin advanced fire control systems para sa mas eksaktong artillery.
Naglalaom an Kyic na makakabilog ini nin mas matatag na defense industry, sa tabang kan pamumuhunan kan mga dayuhan, tanganing mapugolan an mas makusog na pwersa kan kalaban.
