Nag-adapatar an UN General Assembly nin resolusyon na naghuhurot kan tolos na untuk-putukan sa Gaza asin enkaminaron an mga nasyon na magsagibo nin mga lakdang tanganing ma pressure an Israel.
Ini an makalihis na i-veto kan United States an kaparehas na resolusyon sa Security Council kan nakalihis na semana.
Katakod digde, an General Assembly nag-adaptar nin non-binding resolution sa paagi kan boto na 149-12 asin 19 abstentions.
Nakapalaog digde an tolos na asin mayong kondisyon na ceasefire sa Gaza siringman an tolos na pagpapalibre sa mga hostages.
Obheto kaini na ma-pressure an Israel huli sa pag-ulang sa paglaog kan mga tabang sa Gaza Strip.
Apwera digde, an resolusyon an nangangapudan sa gabos na UN members na maggibo nin mga lakdang na kinakaipuhan na nakalinya sa international law tanganing masierto na masunod an Israel.
Mientrastanto, an envoy kan Israel na si Danny Danon pigbatikos an resolusyon asin pig-apod ini na political stunt.
Mantang si Palestinian Ambassador Riyad Mansour nangapudan sa gabos na mga nasyon na gibuhon an saindang boto komo aksyon tanganing maabot an minamawot na katuninongan sa Gaza.
