Nangapudan an United Nations sa US government na bawion na an sanctions na ipina-utob kaini sa apat na judges kan International Criminal Court (ICC).
Sinaysay ni UN’s human rights chief Volker Turk, na an pag-atake sa mga judges an haros nagsasalangat sa kawaran nin respeto sa rule of law asin man pantay na proteksyon kan ley.
Enot nang inanunsyar ni US Secretary of State Marco Rubio an sanctions sa ICC judges huli man sa iligal ninda na pagbatikos sa Israel asin US.
Saro soboot ining kasimbagan sa iniluwas na warrant of arrest kan ICC kontra sa pirang opisyal kan Israel na pinamamayuhan ni Israel Prime Minister Benjamin Netanyahu.
An mga ICC judges an binistong sinda: Solomy Balungi Bossa kan Uganda, Luz del Carmen Ibáñez Carranza kan Peru, Reine Adelaide Sophie Alapini Gansou kan Benin, asin man Beti Hohler kan Slovenia.
Huli digde, pinasalamatan ni Netanyahu si US President Donald Trump huli sa paninindugan kan US sa sainda.
