Pigkahadit kan United Nations Relief and Works Agency (UNRWA) for Palestine Refugees an paglala kan kamugtakan kan mga residente kan Gaza.
Ini an huli sa labi sa tulong semana nang dae pagpapalaog an mga humanitarian aid sa Gaza.
Sinabi ni UNRWA commissioner Philippe Lazzarini na an mga ini na an pinakahaloy na dae natatawan nin suplay nin pagkakan asin medical assistance an mga taga-Gaza magpuon kan sumiklab an giyera.
Magpuon kan ipautob kaya an ceasefire ay nasa 600 trucks an nakalaog sa teritory kada aldaw alagan ngunyan ay nauntok na huli pa sa liwat na pag-atake kan Israel.
Kadakol na man an mga nagkakahelang an dae natatawan nin tamang pagbubulong asin man halangkaw na numero kan mga nagugutom huli sa kawaran nin suplay nin makakakan.
Maabot na man sa walong staff ninda an binawian nin buhay huli pa sa padagos na pag-atake kan Israel forces sa lugar.
Enot ng pigsabi kan Israel na dae sinda mauntok sa pag-atake hasta sa dae dagusang papalibrehon kan Hamas an saindang mga hostages.
