Plano kan United Nations (UN) na makatipon nin $32.9M tanganing makatabang sa Pilipinas huli sa sunod-sunod na bagyo na nagtama sa nasyon.
An Philippine Humanitarian Country Team (HCT), sa pamamayo kan United Nations (UN) iyo an nagpuon kan Humanitarian Needs and Priorities (HNP) Plan tanganing suportaran an haros 210,000 katawo na apektado kan mga nakaaging bagyo, partikularmente sa Bicol, Calabarzon asin Cagayan Valley.
An Humanitarian Needs and Priorities (HNP) Plan itinatatagama para sa rescue asin proteksyon para sa mga vulnerable groups.
Katakod kaini, nangapudan si UN Philippines Resident asin Humanitarian Coordinator Gustavo Gonzalez sa mga resource partners na suportaran an Humanitarian Needs and Priorities tanganing makatipon pa nin dugang para sa nasambitan ng funding.
Katakod kaini, nagpasalamat si National Disaster Risk Reduction and Management Council (NDRRMC) Undersecretary Ariel Nepomuceno sa United Nations huli sa lakdang na ini.
Sinaysay kaini na mas orog pang papakusugon asin papatatagon kan gobyerno an pagresponde kaini sa mga kalamidad na maabot sa nasyon.
