Matrayumpong naisagibo kan Unibersidad kan Nueva Caceres (UNC) an huring aldaw kan 2026 Bar Examination, na nagin maray asin salbado sa ibong kan angat kan panahon asin kadakol kan mga tawong nag-abot sa ciudad sa panahon kan Peñafrancia Fiesta.
Sa intrevista kan Bombo Radyo Naga ki Atty. Lawrence Felix T. Garcia – Assistant Dean, University of Nueva Caceres School of Law, sinaysay kaini na an mga law school, Supreme Court Bar Exam Committee, asin an mga lokal na awtoridad nagkoordinar na marhay tanganing maseguro an marahay na operasyon kan eksaminasyon.
Naging malinig man suboot an paggamit kan digital examination system asin warang naikurit na mayor na technical problems sa laog kan testing center. An solamenteng mayor na agyat iyo an pag-uran asin paggutok kan mga tawo huli sa sabay-sabay na pagselebrar kan Peñafrancia Fiesta.
Mga 95 na bagong naggradwar hale sa UNC an nakatalaan na magkua kan Bar Examination, dawa ngani pigbeberipika pa kan unibersidad an aktuwal na bilang kan mga partisipante. Nag-implementar man an UNC nin manlaen-laen na suporta para sa mga examinees, kabali na an Bar Operations Portal, transportasyon, asin iba pang serbisyo na may katuyuhan na mabawasan an saindang stress.
Pig-enkaminar ni Garcia an mga barristers na dae mawaran nin paglaom asin padagos na magtubod sa saindang pangaturugan na maging abogado. An resulta kan 2026 Bar Examination piglalaoman na mailuwas sa Enero 2027.
