Nagbaba an unemployment rate kan nasyon sa Philippine Statistics Authority (PSA), sa 5.3% kan nagligad na bulan nin Agosto, hale sa 6% kan Hulyo.
Katumbas ini nin 2.77 milyong Pilipino na mayong trabaho kan Agosto, na mas hababa kumpara sa 3.14 milyong indibidwal kan Hulyo.
Mientrastanto, nagsadit man an underemployment rate sa 11.9% o katumbas nin 5.90 milyong Pilipino na naghahanap pa nin dugang na oras sa trabaho o dugang na pangkabuhayan.
Mas hababa ini kumpara sa naitalang 12.9% o 6.33 milyong Pilipino na kulang an kinikita o oras nin pagtatrabaho kan nagligad na bulan nin Hulyo.
Advertisement
Nairehistro man sa 94.7% an employment rate kan nasyon, na katumbas nin 49.79 milyong Pilipino na igwang trabaho o pangkabuhayan kan Agosto.
Advertisement
