Preparado na an University of Northeastern Philippines (UNEP) College of Law para sa Bar Examinations 2026 na mapoon saaga.
Sa intrevista kan Bombo Radyo Naga ki Atty. Peachy Alfelor Moraleda, REB, LLM – University President/Dean, College of Law, UNEP, sinaysay kaini na kinakarkulong 33 sagkod 36 na mga examinees hale sa UNEP an nakatalaan na magkua kan exam ngonian na taon.
An pag-andam kan mga Bar Examinee kabali an mga last-minute lectures, pagtao nin mga materyales sa pagrepaso, paggiya, asin padagos na suporta gikan sa saindang mga paratukdo asin kan unibersidad.
Pigduon man ni Moraleda an kahalagahan kan psychological preparation, urog na an pagkakaigwa nin kumpiyansa asin malinaw na pag-iisip antes an exam.
Mawot kaini an salud asin kalinawan kan isip kan mga nagkukua nin bar asin inabisuhan an mga ini na magrelaks sa huring aldaw, andamon an saindang mga materyales, asin likayan an intensive review bago an Bar Exam.
