Ipinabatid ng University of the Philippines – Philippine General Hospital (UP PGH) sa Sandiganbayan Third Division na walang pulmonya si Senador Rodante Marcoleta batay sa isinagawang pagsusuring medikal sa kanya.
Ayon sa opisyal na ulat ng ospital na isinumite sa korte, negatibo ang mga pagsusuri kay Marcoleta kaugnay sa hinalang pneumonia. Nilinaw ng PGH na walang nakitang ebidensiya ng impeksiyon sa baga ng senador.
Ang naturang dokumento ay bahagi ng mga opisyal na rekord na isinumite upang maipabatid sa Sandiganbayan ang aktuwal na kalagayan ng kalusugan ng mambabatas. Inaasahang gagamitin ng korte ang ulat bilang batayan sa mga susunod na hakbang kaugnay sa kaso.
Bago ilabas ang resulta ng pagsusuri, humiling ang kampo ni Marcoleta na manatili muna siya sa ospital matapos makaranas ng mga sintomas na maaaring may kaugnayan sa pneumonia o iba pang karamdaman.
Sa pahayag ng PGH, tiniyak ng institusyon na ang isinagawang pagsusuri ay nagsilbing batayan upang mabigyan ng malinaw at wastong impormasyon ang korte hinggil sa kalagayan ng senador.
