Nagpaluwas an World Health Organization WHO), Food and Agriculture Organization (FAO) asin World Organisation for Animal Health (WOAH) nin updated na pagsusuri sa influenza A(H5) virus sa hayop asin tao kan nakalihis na Abril 17, 2025.
Sa presente, pigkokonsiderar na hababa an peligro kan influenza A(H5) sa salud kan publiko, alagad hasta sa katamtaman an peligro para sa mga may occupational exposure.
Dagos pa man an transmission sa pag ultanan kan mga hayop, asin may limitadong numero kan mga nairehistro na impeksyon sa tao.
Piglalaoman an karagdagang impeksyon sa tao huli sa exposure sa infected animals o contaminated environments, alagad hababa an global public health impact kaini.
Sa Mexico, enot na nairehistro an kumpirmadong kaso kan human infection kan avian influenza A(H5N1) virus kan nakalihis na Abril 2, 2025 sa Durango, asin man iniimbestigaran pa an pinaggikanan kan impeksyon.
An mga human infection kan bagong influenza A virus subtype am pigkokonsiderar na importanteng health event, alagad hababa an peligro sa pangkagabusang populasyon susog sa preseteng impormasyon.
Padagos na binabantayan kan WHO asin mga partner an global epidemiological situation tangani tulos na masimbagan an ano man na pagbabago sa peligro kan virus.
