Mainit na pig ako kan Pilipinas si United States Defense Secretary Pete Hegseth na nag abot sa nasyon kan nakalihis na aldaw nin Biyernes nin pagkaaga para sa sarong high-level meeting sa Camp Aguinaldo kaiba si Defense Secretary Gilberto Teodoro Jr.
Antes pa man nagpasiring sa kampo militar, nakipaghilingan na si Hegseth ki Presidente Ferdinand “Bongbong” Marcos Jr. sa Malacañang kun saen pinag-ulayan ninda an mga isyung pigkakaatubang kan nasyon, orog na an padagos na tensyon sa West Philippine Sea.
Kaiba man sa plano an pagkakaigwa nin bilateral special forces training sa Batanes asin an pagpapakusog kan defense industrial cooperation asin combined logistics support. An pagbisita ni Hegseth an parte kan pagpapakusog kan alyansa sa pag ultanan kan Amerika asin Pilipinas, kasabay kan obhetong mamantinir an sarong malaya asin bukas na Indo-Pacific. Liwat man na pigtawan duon ni Hegseth an ironclad na alyansa kan Pilipinas asin Amerika.
Sa lado man ni Teodoro, nagpasalamat ini sa suporta kan US asin sinabing sarong onra an pagbisita ni Hegseth sa Pilipinas. Sa irarom kan administrasyong Trump, sinabi ni Hegseth na puon pa sana ini kan mas hararom na koneksyon kan duwang nasyon sa aspetong pandepensar.
Makalihis an pagbisita sa nasyon ni Hegseth, mapasirng na ini sa Japan tangani mag atendir sa ika-80 anibersaryo nin Battle of Iwo Jima.
