NAGA CITY– Nakikipagtabangan na ngunian an Naval Criminal Investigation Service, US Embassy sa kapulisan katakod kan aksidenteng kinaembweltuhan kan sarong miembro kan US Navy sa Barangay Abang, Lucban, Quezon.
Sa nakuang impormasyon kan Bombo Radyo Naga, napag-araman na nakipagkoordinar na an nasambitan ng ahensya sa Lucban-PNP para sa gigibuhon na imbestigasyon makalihis madukayang mayo na nin malay an sarong US Navy Member sa luwas kan harong kaini.
Enot digdi, sarong Loradel Nilooban an soboot nakahiling sa nakabulagtang lawas kan biktima na si John Burns, 21-anyos submariner kan US Navy.
Alagad sa paghunang burat sana ini, kung kaya pinabayaan na soboot ni Nilooban.
Makalihis an nagkapirang oras, nag-abot an pamilya kan biktima asin duman napag-araman na igwa ini nin tama sa lawas.
Tulos man na idinalagan sa ospital an biktima kunsaen nagluluwas sa findings kan mga doktor na malalang traumatic brain injury an sinapo kaini.
Sa ngunian, nasa kamot na kan Naval Criminal Investigation Service an pagpapadagos kan imbestigasyon para maaraman an totoong nangyari sa nasambitan ng biktima.
