NAGA CITY-Pighahandalan ngonyan na mawaran nin trabaho an mga empleyado kan gobyerno sa Estados Unidos katakod kan pig-anunsyar na government shutdown sa nasambitang nasyon.
Sigon ki Ms. Ivy, Correspondent kan Bombo Radyo-Naga sa New York, sinaysay kaini na nilalaoman na ninda an nasambitang pangyayari huli sa haros pirming dae pagkakasinabutan kan mga lehislador urog na sa orolay kan saindang budget.
Sa ibong kain, sinaysay man ni Ms. Ivy na mayong direktang epekto sa mga OFWs na nagtatrabaho sa pribadong sektor an nasambitang shutdown huli ta bako man an US Government an nagpapasahod sa sainda.
Enot kaini, nagpalyar an Senado kan Amerika na maipasar an saindang spending bill na nagresulta sa government shutdown.
Nakakua sana nin 50-49 votes hale sa senador asin dae naabot an 60 botong kinakaipuhan para maipasar an nasambitang propwesto.
