Bumagsak sa pinakamanipis na boto ang isang Democratic-led resolution sa U.S. House of Representatives na layong pigilan ang military campaign ng administrasyon ni President Donald Trump laban sa Iran nang walang pahintulot ng Kongreso.
Bumoto ang House ng 212–212 sa war powers resolution, dahilan upang hindi ito makalusot dahil kailangan ng simpleng majority para maipasa ang panukala.
Ayon sa ulat, ito na ang ikatlong beses ngayong taon na bumoto ang House kaugnay sa Iran war powers resolution, at ang unang pagkakataon mula nang umabot sa 60-day deadline noong Mayo 1 para mag-report si Trump sa Kongreso hinggil sa operasyon.
Nauna nang idineklara ni Trump na ang ceasefire ay “nagwakas” na sa hostilities laban sa Iran.
Patuloy na nahahati ang boto sa Kongreso, kung saan ang mga Republican ay may manipis na mayorya. Sa nakaraang botohan noong Abril 16, bumagsak din ang kaparehong resolusyon sa 213–214 lamang, na may isang miyembrong “present” ang boto.
Samantala, sa Senado, na-block din ang isang kahalintulad na resolusyon sa 50–49 na boto, kung saan sumuporta ang ilang Republican habang halos lahat ng Democrat ay pumabor maliban sa isa.
Patuloy ang debate sa US Congress hinggil sa lawak ng kapangyarihan ng executive branch sa paggamit ng military force laban sa Iran.
