Inaprubaran kan administrasyon ni US President Donald Trump an pagpapabakal nin $11 billion kantidad kan mga armas para sa Taiwan.
Sa sarong pahayag kan Huwebes, Disyembre 18, kinumpirmar kan Taiwan na ininan ikaduwang batch kan weapons na ipapabakal kan US magpuon kan magbalik sa pwesto si Trump.
Basado sa Taiwan foreign ministry, kabali sa package an HIMARS rocket systems, howitzers, anti-tank missiles, drones asin nagkapirang pang mga parte para sa ibang mga equipment.
Kaipuhan pang aprubaran kan US Congress an nasambitan ng deal, alagad malabong ini an sayumahan huli sa cross-party consensus sa depensa kan Taiwan.
Sigun sa Taiwan defense ministry, nilalaomang opisyal na magigin epektibo an nasambitan ng weapons deal sa laog kan sarong bulan.
