Sarong hukom sa U.S an paramientras nagpapundo sa kasugoan ni Presidente Donald Trump na ibalyo an transgender women sa kulungang panlalaki asin punduhon an saindang gender-affirming care.
Sa nagin desisyon ni U.S District Judge Royce Lamberth, pabor ini sa tolong transgender inmates na nagsunad nin kas kontra sa polisiya, na saindang sinaysay na pagbalgar sa konstitusyon.
Sigun sa mga nagsunda nin kaso, mas halangkaw an peligro na maka-eksperyensiya nin kadahasan asin pang-aabusong sekswal an transgender women kun dadarahon ini sa men’s prison na nagbabalgar sa saindang karapatan kontra sa “cruel and unusual punishment.”
An kasuguoan ni Trump an nagsusugo sa gobyerno na bistuhon sana an duwang kasarian base sa biological sex asin punduhon an pagpopondo sa gender-affirming medical care kan mga nasa kulongan.
Sa presente, igwang 2, 230 transgender inmates sa U.S, kun saen kadaklan sa 1,506 transgender women an nakakulong sa men’s prisons.
