Liwat na papabutason ni President Donald Trump an Estados Unidos gikan sa Paris climate deal.
Ini an saiyang pigpahayag makalihis na manumpa komo bagong Presidente kan Estado Unidos sa White House.
An desisyon na ini an magbubugtak sa US komo nagkapirang mga nasyon na dae kabali sa nasambitan ng kasunduan, kaibahan an Iran, Libya asin Yemen.
Sa anunsyo na nakabugtak sa sarong dokumento gikan sa White House, pigpapahiling an pagdududa ni Trump katakod sa global warming na pig-aapod na hoax’ na nagbubugtak sa agenda kan saiyang administrasyon na mas pakusugon pa an output sa paggamit kan U.S. oil asin gas drillers.
Marurumduman, nagbutas naman an US gikan sa Paris deal sa enot na termino ni Trump sa saiyang opisina, alagad maski inabot nin pirang taon an proseso kaini na tolos naibweltada kan magtukaw sa pwesti si dating US President Joe Biden kan 2021.
