Ipighayag ni U.S. Secretary of State Marco Rubio na mapautob an Estados Unidos nin visa ban kontra sa mga dayuhang opisyal na soboot imbwelto sa pagsupil sa kalayaan sa pagpapahayag kan mga Amerikano, orog na sa internet.
Alagad maski mayong pinangaranang nasyon o indibidwal, sinaysay ni Rubio na obheto kan bagong polisiya na pugolan an mga banyagang opisyal sa pagdikta kan content moderation sa mga U.S. based tech platforms siring kan Meta.
Dae soboot katanggap-tanggap an pagbabanta kan mga dayuhan kan pag-arestar basado sa mga social media post na nagpuon sa laog kan Amerika.
An lakdang an kasabay kan mahigot na tensiyon sa pag-ultanan kan U.S. asin European Union partikularment sa pagpapauton kan EU Digital Services Act – sarong batas na pigtutuligsa kan mga U.S. official komo klase kan censorship.
Sigun sa mga opisyal kan U.S. an bagong patakaran an parte soboot kan mahewas na lakdang tanganing ipaglaban an kalayaan sa pagpapahayag sa hampang kan malawak na regulasyon sa ibang nasyon.
Presenteng pigkakaukay man kan mga representantes gikan sa U.SM State Department an mga gobyerno kan France asin Ireland mapadapit sa isyu.
