Pigkokonsiderar kan Amerika komo teroristang organisasyon an Cartel de los Soles, sarong grupo na pinaghihinalaan kan US na pinamamayuhan ni Venezuelan President Nicolas Maduro.
Pig-anunsyar ini ni US Secretary of State Marco Rubio sa sarong statement kan nakalihis na aldaw, eastern time.
Sigun ki Rubio, pigkokonsiderar an grupo komo Foreign Terrorist Organisation (FTO) puon sa Nobyembre 24.
Boot sabihon kaini, epektibong pigkokonsiderar na man komo terorista an Venezuelan President huli ta ini soboot an pamayo kan grupo, alagad maduon na pinahimutikan man ni Maduro an nasambitan ng akusasyon.
An pagtatalaga sa grupo komo terorista an pinakabagong paghihingowa kan administrasyon ni US President Donald Trump tanganing mapahupa an drug trafficking asin i-pressure si Maduro, sa tahaw kan pigpaplano kan Amerika na magsagibo nin military action sa laog kan Venezuela.
Mataong dalan kaya an pagtatalaga sa grupo komo Foreign Terrorist Organisation tanganing magsagibo an US government nin mas agresibong crackdown kontra sa grupo asin soboot mga kaalyado kaini.
