Pigtawan linaw ngunyan kan White House na dae kaini pwedeng balewalaon an Ukraine sa gigibuhon na pag-uulay kaibahan an Russia.
Sinaysay ni US Middle East envoy Steve Witkoff, na mapasiring na ini sa Saudi Arabia kun saen kakaulayon kaini nin personal an mga kinatawan kan Russia asin Ukraine tanganing dagusan na mapundo na an kariribokan.
Igwa man mga suhay na pag-uulay an pirang opisyal kan US sa Ukraine kun saen nagin magayon an kasimbagan kan mga ini.
Enot na sinabi ni Ukrainian President Volodymyr Zelensky na dae kaini aakuon an kasunduan sa tahaw kan Russia asin US kun dae sinda papaibahon sa pag-uulay.
Marurumduman kan nakalihis na semana an pig-apodan ni US President Donald Trump sinda Russian President Vladimir Putin asin Zelensky tanganing ibusol an pagpundo kan kariribokan.
