Piglunsar kan United States Postal Service (USPS) an sarong commemorative stamp komo pagpupugay sa boxing legend na si Muhammad Ali sa saiyang lugar sa Louisville, Kentucky.
Tampok sa selyo an ladawan ni Ali kan nakalihis na kasagsagan kan saiyang karera komo boksingero.
Sigun sa USPS, 22 milyong selyo an inilimbag, na kada saro igwang ladawan ni Ali gikan sa sarong Associated Press photo kan taong-1974, kun saen mahihiling nakataas an saiyang kamao sa fighting stance.
Kapansin-pansin man an apelyidong “Ali” na nakasurat sa mahibog na itom asin pulang letra.
Pinagenotan kan beteranong broadcaster na si Bob Costas an unveiling ceremony asin sinaysay kaining an selyo an nagsairarom sa panghaluyang impluwensiya ni Ali sa siyudad kun saen ini nagdakula.
Kaibahan man sa commemorative release an sarong stamp sheet na igwang suhay na ladawan ni Ali na nakasulot nin pinstripe suit, komo pagbisto sa saiyang papel komo aktibista asin humanitarian.
Binawian nin buhay si Ali kan taong-2016 sa edad na 74 makalihis na makipaglaban sa Parkinson’s disease.
Bistado komo “The Greatest,” nagresebir si Ali nin kadakol na parangal kaibahan na an Olympic gold medad kan taong-1960, United Nations Messenger of Peace Award kan taong-1998, asin an Presidential Medal of Freedom kan taong-2005.
