Pig-anunsyar kan rapper na si Kanye West na ini an nagin liwat na bilyonaryo.
Sa social media account ni West, nag-post ini nin pahayag kan Eton Ventures na sarong business valuation company.
Sigun sa nasambitan ng kumpanya na an kantedad kan yaman ni West an nagpakol ngunyan sa $2.77 bilyon.
Pigbase kaya kumpanya an yaman sa music portfolio asin an pagigin solong maysadiri kan Yeezy trademark.
Kan nakalihis na taon, pigtala kan Forbes magazine na igwang kabilugang $400 milyon na yaman an US rapper.
Enkaso man magpakol sa $2.77-B an saiyang yaman, sierto na malalampasan na kaini si Jay-Z na igwang $2.5-B na yaman siringman an yaman kan dati kaining agom na si Kim Kardashian na igwang $1-B.
