Na-aksidente si US snowboarding star Chloe Kim mantang ini nag-eensayo sa Switzerland.
Sa video na saiyang ipinost sa social media account kaini, sinaysay kaining na-dislocate an saiyang abaga.
Huli digde, kwestiyonable kun makakabali pa ini sa Winter Olympics sa masunod na bulan.
Mapartisipar sana ini sa women’s halfpipe sa Milan-Cortina Games na mapuon sa Pebrero 11.
Advertisement
Dugang pa kaini na padagos an saiyang pagpapahingalo asin maparahay muna. Nanggana nin gintong medalya si Kim kan nakalihis na 2018 PyeongChang Olympics sa South Korea sa edad na 17.
Ini an nagin pinaka-joven na nagkampeoon sa halfpipe asin nautro pa kan nakalihis na 2022 sa Beijing na enot na babae na duwang beses na nanggana nin gintong medalya sa nasambitan ng sports.
Advertisement
