Nagsayuma an U.S. Supreme Court kan nakalihis na Lunes (aldaw sa Amerika) na hampangon an apelar ni Kim Davis, dating clerk sa Kentucky, na nagkuwestiyon sa landmark 2015 ruling kan korte na nag-legalize kan same sex marriage sa bilog na nasyon.
Napag-araman na si Davis an nagsayumang mag-isyu kaidto nin marriage license para sa same sex couples sa Rowan County, Kentucky huli sa saiyang religion beliefs.
Huli digde, naghampang sa paglilitis si David asin pinagbabayad nin $360,000 dapit sa mag-agom na dae kaini tinawan nin marriage license.
Sa saiyang petisyon, pighagad ni Davis na bistujpn an saiyang First Amendment religious protection tanganing dae ini makulong.
An saiyang mga abogado, an nagsangguni man sa mga pahayag ni Justice Clearance Thomas, an sulamenteng miyembro kan korte na mawot baliktadon an desisyon sa same-sex marriage, alagad nagsayuma an Korte Suprema na simbagan an petisyon ni Davis.
Sigun sa Lambda Legalz nagkapira sa mga estado ngunyan an nagpanukala nin ley o resolusyon na nagkukuwestiyon sa Obergefell decision, kaibahan an Texas, na nagtao nin pagtugot sa mga hukom na nagsayumang magsagibo nin same-sex weddings huli sa pagtubod sa relihiyon.
Alagad maski igwang mga posibleng huma sa estado, an federal protection kan same-sex marriage an nagtitinir na legal sa bisa kan Respect for Marriage Act na pinirmahan ni dating U.S. President Joe Biden kan taong 2022.
An desisyon kan Korte Suprema na dae akuon an petisyon ni Davis an boot sabihong nagtitinir na legal an same sex marriage sa U.S.
Sa presente, igwang labi 820,000 married same-sex couples sa Estados Unodps, labi sa dobleng numero kan nakalihis na Hunyo 2015 kan ipautob an nationwide marriage equality.
