Aram baya nindo mga ka-Bombo na sarong Taiwanese women’s football coach an binatikos huli sa soboot pagpirit sa mga estudyante na mag-donar nin dugo nin ginatos na beses tanganing makaresebir nin school credit na mandatory para sa graduatinon.
Si Zhou Tai-ying, sarong bistadong tagapagsanay kan women’s football an pigkonsiderar komo “vampire” na coach kan Taiwanese media, huli man ta kan panahon kaini sa National Taiwan Normal University (NTNU), pigpirit kaini an mga estudyante na magdonar nin dugo nin kadakol na beses sa magkasunod na aldaw, mga donasyon na saiyang pig-aako na konektado sa 32 school credits na kinakaipuhan para sa pagtatapos.
Huli sa takot na dae maka-gradwar sa pag-eskwela apwera na sana kun gigibuhon ninda an kasuguan kan coach, an nagkapirang mga estudyante an nakapagdonar nin dugo nin ginatos na beses sa laog kan nakapirang aldaw, kun saen an ibang an nagsasabi na an na dae na makahanap nin viable veins.
