Aram baya nindo mga ka-Bombo sarong bagong kakanon an pigpabakal sa mga gilid kan Chengdu sa China, na nakakua nin kadakol na atensiyon huli sa dae pangkaraniwang histura kaini na garo sarong kumpol kan itom na buhok kan tawo.
An Fa Cai o Fat Choy sarong klase kan pinamarang cynobacterium na haloy ng parte kan Chinese cuisine.
Ini kadalasang nagdadakula sa mara na mga lugar kan disyerto siring kan Gansu, Shaanxi, Qinghai, Xinjiang, asin Inner Mongolia sa China, asin pigpoproseso sa paagi kan pagpapamara sa duros tulos makalihis kan pag-aani.
Huli sa maitom asin filiform kaining hulma, ini karaniwang pigbisto komo “hair vegetable”.
An Fa Cay siyentipkong pangaran sa Nostoc Flaggelliforme- ini kadalasan na piggagamit komo itom na vermicelli sa manlaen-laen na sabaw asin sopas asin man pigsusunad sa Bisperas kan Bagong Taon para sa suwerte, huli an pangaran kaini sa Cantonese haros kaparehas sa pariralang “struck it rich”.
Siring man, kasuarin sana nagin viral an dark treat komo bagong merindalan sa kalye na garo nagkakakan nin buhok kan tawo.
